සදහටම වැලලී යයි සිතූ මළකුණ ගොඩ එයි …

න අන්තලික්ඛෙ න සමුද්ද මජ්ඣෙ
න පබ්බතානං විවරං පවිස්ස
න විජ්ජති සො ජගතිප්ප දෙසො
යත්තත්ථි තො මුංචෙයය පාප කම්මං

අහස් කුසෙහි වේවා, සමුදුරු මැදෙක වේවා, පර්වත කුහරයක වේවා, මේ කොතැනකවත් ම, කරන ලද පාප කර්මයාගෙන් ගැලවී සිටීමට තැනක් මේ මුළු තුන් ලොවෙහි බැලුවත් නො පෙනෙන්නේමය …

— ධම්මපද, පාප වග්ග

____________________________

චන්ද්‍රිකා තාක්ෂණය ගැන සහන් පල කළ ලිපිය හොඳයි. ඒත්, ඇත්ත කියනව වෙනුවට, සහන් උත්සාහ ගත්තේ තමා එම ස්ථානයට සම්බන්දයක් ඇති බව පෙන්වන්න. සහන් ඩීටේල්ස් ගැන හොයන්නෙ නැති නිසාද, ඇත්තටම ඉංග්‍රීසි තේරුම් ගන්න අමාරු නිසා ද මන්දා සමහර වෙලාවට කිව්වෙ හද්ද බොරු.

උදාහරණයක් හැටියට මම කලින් ලිපියෙ සඳහන් කළ සෙඉමිත්සු කොමා බඹරය එක උදාහරණයක්. සෙඉමිත්සු කියල ජපන් වචනයේ තේරුම ම (මට තේරෙන හැටියට) precision කියන එකයි. සියුම් මැෂින් පාර්ට්ස් හදන ‍Yuki Seimistu කම්පනි එක ඒ බඹරය ආඩම්බරෙන් නිපදවන්නෙ ඔවුන් ගේ නිරවද්‍යතාවේ සංකේතයක් හැටියට.  සහන් විස්තර ලබා ගත් තැන ඒ බව ඉතා පැහැදිලි ඉංග්‍රීසියෙන් සඳහන් වුනත්, සහන් එයට අවධානයක් යොමු කරනවට වඩා කළේ ඔහේ ගත්තු පින්තූර ටිකක් සොයා නොබලා පළ කරල, පස්සෙ ඒ ගැන මිනිස්සු අහන කොට කටට ආපු බොරුවක් කියන එක. අපූර්වි ඇහුවම ඇණත් හදන්නෙ එතන ම ද කියලා, ඔව් කියනවා!

ඇත්තටම සැටලයිට් එක සැටලයිට් එක WNISAT-1 කියන, ජපන් චන්ද්‍රිකාවක්. ඒක හැදුවේ ටෝකියෝ වල ඇ‍ක්සෙල්ස්පේස් (Axelspace) කියන කම්පනි එකේ, “ඇණය” (සත්‍ය වශයෙන් ම බඹරය) හැදුවෙ කනගවා හි යුකි සෙඉමිත්සු කියන කම්පනි එකේ. ඒ බඹරය චන්ද්‍රිකාවට කිසිම අදාල කමක් නෑ කියල අපි ඔය කලින් පෝස්ට් එකේ කිව්ව නෙ. ඉතින් සහන්ට පැටළුනේ ඇයි?

බඹරයේ පොඩි කෑල්ලක් සහන් ගොඩ දාගත් වීඩියෝවේ තුබුණු නිසා. මොකක්ද මේ වීඩියෝ එක?

මොකක්ද වීඩියෝ එක?

J-TECH Innovation & Evolution යනු ජපානයේ NHK රූපවාහිණී ආයතනය මගින් විකාශය වන තාක්ෂණික වැඩ සටහනක්. ගිය ඔක්තෝබරයේ Giant Leaps for Micro-satellites නමින් එහි එපිසෝඩ් එකක් විකාශය වුනා. සහන් කියන්නෙ සහන්ට සැටලයිට් ටීවී තියනව කියල නෙ, ඉතින් සහන් ඕක බලන්න ඇති.

බැලුවා විතරක් නෙවෙයි හිතන්නත් ඇති, යකෝ මේක NHK, ලංකාවෙ පෙන්නන්නෙ නෑ, මළාට YouTube වල යන්නෙ නෑ, පින්තූරයක් වත් ඉන්ටනෙට් එකේ නෑ මේක කොපි කරා නම් ගොඩ ම තමා ආයෙ මොකෙක් වත් හොයා ගන්නෙ නෑ කියල! ස්ක්‍රීන්ෂොට් ටිකකින් කොහොමද මිනිස්සු නම වත් දන්නෙ නැති, කොහේවත් රටක ටීවී එකක ගියපු, ඉන්ටර්නෙට් එකෙත් නැති වීඩියෝ එකක් හොයන්නෙ.

ඒක නිසා තමයි සහන් බය නැතුව පොර ටෝක් දුන්නෙ තමන් එතැන ඉඳන් ම (හෝ යාලුවෙක් එතැන ඉඳන්) ගත්තු ෆොටෝස් කියලා.

ටෝක් දුන්නෙ නැහැ කියන්න එපා !

මම මගේ අතේ තියාගෙන ඔය ජාතියේ  TDK DC/DC converter ටිකක් පොටෝ ගහලා එවන්නද මේ දැන් …? ඕනේ නම් මන් පෙන්නපු සැට් එක උඩ තියලා පොටෝ ගහලා එවන්නද …?

– SilentSahan October 31, 2013 at 7:55:00 PM GMT+5:30

සහන් ටිකක් හරි.

• වීඩියෝ එක YouTube වල ගියේ නෑ.
• ලංකාවෙ පෙන්නුවෙ නෑ.
• පින්තූර ඉන්ටර්නෙට් එකේ ගියෙත් නෑ.

හැබැයි එකක් වැරදුනා. එතැනදි තමයි අර මම උඩින් දාල තියන ගාතාව මතක් වෙන්නෙ. කොච්චර වහගෙන බොරුවක් කරත්, කවද හරි මාට්ටු වෙනවා.

• ඇනොනිමස් ඒ වීඩියෝ එක හොයා ගත්තා. (දැන් සහන් මෙහෙම දෙයක් කරා නම් නිකන් CIA ගානට ලොරි ටෝක් කීයක් දේවිද)

අපි දැන් පින්තූර ටිකක් බලමු නේ?

මෙතන නම් මට සහන් හොර කරපු විදියට පින්තූර ස්ට්‍රෙච් කරන්න, කලර් මැච් කර කර ඉන්න වෙලා නෑ. “සහන්ගෙ පින්තූර මෙතනින් ගත්තුව නෙවෙයි ඒවයෙ පාටත් වෙනස් හැඩෙත් වෙනස්” කියන උන් ඉන්නව නම් කියා ගන්න, එහෙම උන් රැවටෙන්නම උපන් උන්. මොළේ කලඳක් තියන උන්ට තේරේවි ඔරිජිනල් එකෙයි කොපියෙයි තියෙන්නෙ ඇස්පෙක්ට් රේෂියෝ/ක්‍රොප්/පාට වගේ වෙනස් කම් කියලා.

පින්තූර පෝස්ට් එකට දාන කොට සයිස් වෙනස් වෙන නිසා පොඩ්ඩක් කොලිටි අඩුවට පේන්නෙ. පින්තූරය උඩ ක්ලික් කළාම ඔරිජිනල් එක බලන්න පුලුවන්. සංසන්දනය කරල බලන්න සහන්ගෙ පින්තූර කොච්චර කොලිටි අඩු ද කියලා.

සහන් පින්තූර හොරකම් කරපු විදියෙ තියන තාක්ෂනික ප්‍රිමිටිව් කම හින්දා ඔහුගෙ පින්තූර පැහැදිලි කම අඩුයි. නමුත් එක දෙයක් බලන්න, ඔහු අර තාර ගාන්නෙ සමහර විට NHK Logo එක මකන්න. (පහත පින්තූරය බලන්න).

ඉලෙන්ට්‍රොනික් පින්තූර

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

තාර ගාන්නෙ කෙහෙම්මල් රහස්‍ය භාවයට නෙවෙයි. ඔය ඔතන වහල තියන XBee බෝඩ් එක ඉලෙක්ට්‍රොනික් කරන පොඩි එකෙක් උනත් දන්න, මොකක් හරි කම්පොනන්ට් එකකට වයර්ලස් end-to-end connectivity දෙන්න ගන්න තියන ලාබම solution එකක්. රුපියල් තුන්දාහකට අඩුවෙන් ගන්න පුලුවන්.

හරි හමන් ඉලෙක්ට්‍රොනික් ෂොප් එකක් ගාව පඳුරකට පයින් ගැහුවත් වීසි වෙන කම්පොනන්ට් එකක් හෙන රහසක් වගෙ තාර උලලා. සහන් ගෙ ඉලෙක්ට්‍රොනික් දැණුමෙ ඇත්ත තරම අපි මෙතැන දැක්ක නෙ. (මේක කියන්නෙ නොදැණුම අපහාසෙකට ලක් කරන්නෙ නෙවෙයි. නොදන්න ගමන් මහා දැනුමැත්තෙක් බව පෙන්වල මිනිස්සු අන්දන එක නවත්වන්න)

අනික මේ වහල තියන බෝඩ්,  එක එක කම්පොනන්ට් ටෙස්ට් කරන්න ගන්න ටෙස්ට් රිග් එකක කෑලි මිසක් අඩු ගානෙ චන්ද්‍රිකාවෙ පාට් එකක් නෙවෙයි.  (ටෙස්ට් කරන්න ඕනෙ පාට් එක තමයි වෙනම pinouts එක්ක මවුන්ට් කරල තියෙන එක) කෑලි ඔක්කොම එක තැන තියන චන්ද්‍රිකාවකට කම්පොනන්ට්ස් අතරෙ නිකන් වැඩිපුර ශක්තිය වැය කරන් වයර්ලස් වලින් කතා කරන්න ඕන වෙන්නෙ මොකටද? අඩියක විතර දුරක් වයර් වලින් කර ගන්න පුලුවන් දේකට. මොකෝ චන්ද්‍රිකාව ඇතුලෙ කෑලි අත්තාපං මුත්තාපං ගහනවද කම්මැලි වෙලාව‍ට?

මේ තවත් හොරකම් කරපු පින්තූරයක්.

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

මේකෙත් බලන්න, තාර ගාල තියෙන්නෙ වහන්න මෙළෝ දෙයක් නැති තැනක.

ඇත්ත වීඩියෝ එකේ ලස්සන කතාවක් තියෙනවා මේක හදපු යුනිවර්සිටි ටීම් එකට (මේ පොටෝ, සහන් ඔය කියන චන්ද්‍රිකාවට සම්බන්ද ඒව වත් නෙවෙයි. යුනිවර්සිටි එකකින් රිසර්ච් එකකට යවපු බොහොම සරළ චන්ද්‍රිකාවක් ගැනයි එතන වීඩියෝ එකේ කතා වෙන්නෙ) බොහොම පුංචි බජට් එකකින් කරන්න වුනු නිසා ටෝකියෝ වල පාරවල් අයිනෙ ඉලෙක්ට්‍රොනික් කඩ වලින් ලාබෙට බඩු අරන් කෑල්ලෙන් කෑල්ල චෙක් කරන්න වුනු හැටි. සහන් ඒක ඇත්ත චන්ද්‍රිකාවට පටලලා.

ඇත්තම වීඩියෝ එක බොහොම ලස්සන කතාවක් ජපන්නුන්ගෙ දක්ෂ කම් ගැන. එදිනෙදා දේවල් වලින් උනත් ජපන්නු කොච්චර අයිඩියාස් ගන්නවද කියන එක ගැන. උදාහරනයක් හැටියට ඔවුන් එච්චර පුංචියට සියළුම දේවල් අඩුක් කරලා චන්ද්‍රිකාව හදන එකට ජපානෙ සාම්ප්‍රදායික කෑම පෙට්ටි වලින් හිටන් අදහස් ගන්නවා. ඇමරිකන් උන් උන්ගෙ සැට් එකකට සිස්ටම්ස් පහක් දාන කොට, ජපන්නුන්ට උන්ගෙ ඒවට හතක් දාන්න පුලුවන්ලු. මේ පහත පේන ඩ්‍රින්ක් කෑන් එකකින් හදපු පුංචි ට්‍රාන්ස්මිටර් එකට (මේක චන්ද්‍රිකාවක් නෙවෙයි) ඇන්ටෙනා වලට අරන් තියන මනින ටේප් එක බලන්න.

මේක උඩ යවන්නෙ බොහොම පුංචි රොකට් එකක, කෑන් එක විතරම වගේ විශ්කම්භයක් තියෙන. ඉතින් උඩට යනකම් ඇන්ටෙනාව නැවිල තියෙන්නත් ඕන, උඩට ගියාට පස්සෙ ට්‍රාන්ස්මිට් කරන්න නම්, ඇන්ටෙනාව දිග හැරිල ශක්තිමත්ව ඩයිපෝල් එකක් වගෙ තියෙන්නත් ඕනා. ඒ සේරම උවමනා ටික හරි ගිහින් තියෙන හැටි බලන්න හිතල බලල ඒකට ගත්තු ලාබ “අමු ද්‍රව්‍යය” නිසා.

මෙහෙම ඉන්ටරෙස්ටිං කතා ගොඩක් තිබුනත් ඒව සහන්ට කියන්න බැරි උනේ, බොරු රහස්‍ය කමක් පෙන්වන් “මං පොර” වෙන්න ගිහින් තියන නිසා.

ටීම් එකේ පින්තූර

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

මෙතැනත් මේ එකෙක් ගෙ මූන වහල මොකටද? සහන් ගෙ වචන වලින් ම කියනව නම් “බොරු ෂෝ ගහන්න”.  නිකන් නැති සීරියස් කමක් හදන්න, තමන් ඉන්සයිඩ් ඩීටේල් එක්ක ඉන්න, රහස් දන්න පොරක් බව පෙන්නන්න, එක මූනක් බොරුවට වැහුවා.

සහන් කියන සැටලයිට් එක හදපු ටීම් එකේම පින්තූර මෙතන තියනවා. සහන් කියනවා වගේ විශයයන් ගානකට PhD තියන අය නෙවෙයි ඔක්කොම ඉන්නෙ. සමහරුන්ට PhD (එක ගානෙ)  තියනවා, සමහරුන්ට මාස්ටර්ස් තියෙන්නෙ.

සහන් හිතන්න ඇති සමහර විට මෙහේ කැම්පස් වල ගොබිලන්ටත් එක PhD එක ගානෙ තියේ නම්, ලොකු තැන් වල වැඩ කරන උන්ට PhD දහය පහලව ඇති කියලා. PhD කියන්නෙ එහෙම ගේම් වල ලෙවල් අප් වෙනව වගේ එකක් නෙවෙයි ලෝකෙ එහෙමත් කෙනෙක්ට තමයි ඩබල් PhD තියෙන්නෙ. ලෝකෙ මොනම රස්සාවකටවත් PhD දෙකක් ඉල්ලන්නෙ නෑ.

ඇත්තටම මේ Axelspace කියන කම්පනි එක සාපේක්ෂව පොඩි එකක්. උන් කියනවා උන්ට ලෙන්ස් හදා ගන්න හොඳ මැනුෆක්චරර් කෙනෙක් එකඟ කර ගන්නත් අමාරු වුනා කියල. නැතුව ලෙන්ස් නිකන් ආප්ප බානව වගේ in-house හැදුව නෙවෙයි.

කැමරා ලෙන්ස්

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

මෙතනත් පේනව නේ, ලොගෝ එක මකන්න cut and paste කරපු පාර යන්තම් පේනවා.

සහන් තව බොරු කිව්වා හරියට ලෙන්ස් හදන්නෙත් එතනම වගේ. ලෙන්ස් හදලා තියෙන්නෙ Cosina කියන වෙනම කම්පනි එකක. ලෙන්ස් ගැන සහන් කියපු බොරුවක් අපි මෙතනත් කතා කරා.

සූම් ලෙන්ස්

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

රොකට්

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

මෙතැනත් බලන්න අනේ රොකට් වල බොරුවට තාර ගාලා. මඩ එක්ක ජීවිතේ ම ගෙවුනම ඔහොම තමා.

පින්තූර විකෘති කරන්නෙත් බොහෝ විට හඳුනා ගැනීම තවත් අමාරු කරන්න වෙන්න පුලුවන්. රතු කාර් ඉලෙක්ට්‍රික් ඔරේන්ජ් කරපු බුවා නෙ!

ඇණය

මෙන්න පොර අර කරකවපු ඇණයෙ පින්තූරෙ.

සහන් හොරකම් කළ පින්තූරය Picture stolen by Sahan

ඇත්ත පින්තූරය original picture

වීඩියෝ එකේ නැවත නැවතත් කියනව මේක බඹරයක් කියලා.

මට ඔක්කොම පින්තූර දාන්න ඕනෙ කමක් නෑ නිකන් ඔබෙත් මගෙත් කාලෙ කන්න. දැන් ගේම් එක ක්ලෝස් නෙ කොහොමත්.

සහන්, ආයෙත් මේකටත් ලිස්සන්න එපා නම ගැහුවෙ වෙන උන් පෝස්ට් හොරකම් කරන එකෙන් බේරෙන්න කියලා.

• ඔබ ඉතා දැනුවත්ව සහ ඕනෑ කමින් ම NHK ලොගෝ මැකුවා. ඒක කළේ මොකටද?
• තමන්ට සමීප මූලාශ්‍රයකින් පින්තූර ලැබුණු බවට ටෝක් දුන්නෙ ඇයි?
• ඇත්ත වීඩියෝ එකේ නොතිබුනු ගල් පැලෙන බොරු දැනුවත්වම කිව්වේ ඇයි?

සහන් දාන්න වගේ පෝස්ට් එකට ගැලපෙන මූඩ් එකක සින්දුවක් අපිත් දාමු, නැත්නම් හරි නැහැ නෙ.

සහන් දාන සින්දු සෙන්ටිමෙන්ටල් මදි වගෙ මේවට, ඒක නිසා අපි අහමු මේක.

වෙද ගෙදර මහ වෙදනා October 31, 2013 at 9:33:00 AM GMT+5:30

මේකට නම් කමෙන්ට් එකක් නොදැම්මොත් මට මගේ හිතෙන් නිදහස් වෙන්න බැහැ. පළමුව ඔබේ උත්සහයට මගේ ප්‍රණාමය. මට නම් අද තමයි යමක් පැහැදිලි වුනේ මේ දේවල්. ඒ ඔබට පිංසිද්ධ වෙන්න. ඔබ සැබෑ දක්ෂයෙක්.

ඉවාන් පව්ලූශා ( Prageeth Anuradha ) October 31, 2013 at 9:41:00 AM GMT+5:30

සහන් මිත්‍රයා. මා හැමදාමත් කී පරිදි ඔබ විශ්මිත් පුද්ගලයෙක්. “ලංකාවෙන් යවපු චන්ද්‍රිකාවට සහන් දායක වුනේ නැද්ද? ඒ කියන්නේ අපේ රෝහිත බේබි සහන්ටත් වඩා දන්නවා ….හැක හැක ..ඔන්න ඔය වෙලාවට තමයි සහන් මුන්ව මරාගෙන මැරෙන්න හිතෙන්නේ

ගන්දරයා November 16, 2013 at 9:27:00 AM GMT+5:30

සෙනසුරාදා උදේ පාන්දර පැය දෙකක් එක දිගට මේක කියෙව්වා. චන්ද්‍රිකා තාක්ෂණය මට අළුත්ම අළුත් දෙයක්. කියවලා ඉවර උනාම මට එකපාරටම ආපු හැඟීම සහන් මේ වගේ ආයතනයක ඉංජිනේරුවෙක් කියන එක සහ මේ කිව්ව දේවල් වලට අමතරව සහන් තව බොහෝ දේ සඟවන බව???

මේ වගේ අහිංසක මිනිස්සුන්ව කටට එන බොරු කියල රවට්ටන්න එපා සහන්, පව් සිද්ද වෙනවා! ඒ මිනිස්සුන්ට මිනිහෙක් කියන එක විස්වාස කරන එකත් එපා වෙනවා!